FEDER funtsek - NILSA

NILSA

feder funtsek

EUROPAR BATASUNA / EUROPA EGITEKO MODU BAT

ESKUALDE GARAPENEKO EUROPAKO FUNTSA (FEDER)

NILSA eguzki-panelak jartzen ari da araztegietan, energia fotovoltaikoa sustatzeko, karbono-dioxidoaren emisioak murrizteko eta energia elektrikoa aurrezteko. Ezin izango da instalazio guztietan egin, zenbaitetan klimatologiak ez duelako aholkatzen, baina helburua jokabide egoki hau ahalik eta gehiena hedatzea da, klima-aldaketaren kontra eta jasangarritasunaren alde eginda.
 
2019an Beire-Pitillasko araztegiko instalazio pilotuan lortutako emaitza onek proiektua beste instalazio batzuetara hedatzea bermatzen dute, FEDER funtsek %50 kofinantzatuko dutela.
 
Ebro Behea (Ablitas, Fustiñana, Cabanillas, Ribaforada eta Buñuel herriei ematen die zerbitzua) Tafalla-Erriberri eta Tuterako araztegiek eguzki-panel instalazio berriak dituzte jada; instalazioetako beraietako energia elektrikoaren autokontsumorako bideratzen da produkzioa. NILSAk bigarren fase batean, 2021eko hasieran, aurreikusi du sistema hori beste instalazio batzuetara hedatzea.
 
Instalazio hauetan ezarriko da laster: Ega Behea (Cárcar, Andosilla eta San Adrián herriei ematen die zerbitzua), Arga Behea (Funes, Faltzes, Azkoien, Martzilla eta Caparroso hartzen ditu), Irati ibaiaren erdiko ibilguak (Agoitz eta Ekai Longida hartzen ditu, eta laster Aos gehituko da) eta Valtierra-Arguedas. Baliteke Tuteran hedapen bat egitea behin aldaketa teknikoak amaitzen direnean. Halaber, Cintruénigo, Milagro eta Lodosa-Sartagudako araztegietarako proiektuen tramitazioak hasi berri dira; datorren urteko urtarriletik aurrera ekingo zaie lanei.
 
Tuterakoak 102,51 kWp-ko potentzia nominala du, plakek 600 metro karratuko azalera hartzen dute (306 panel-modulu, ia bina metro karratukoak) eta inbertsioak 102.820,46 euro jo zuen. Tafalla-Erriberriko eta Ebro Beheko araztegietarako, pleguak 99.820,46 euroko eta 44.921,62 euroko inbertsioak eta 103,50 kWp-ko eta 75,18 kWp-ko potentzia nominalak ezarri zituen, hurrenez hurren bi kasuetan. Ebro Behean inbertsioa txikiagoa da panelek hartutako eremua txikiagoa delako; eraikinen eta aparkalekuaren teilatuetan baino ez dira jarri, gainezkatu daitekeen zona bat delako. Gainerakoetan, panelak lurrean jarri dira, oro har. Panel horiek instalazioak guztiz autohornitzeko beharrezko energia sortzen ez duten arren, bai helduko da araztegi bakoitzaren urteko kontsumoaren ehuneko bat izatera: % 7,5 Tuteran, % 13,7 Tafalla-Erriberrin eta % 11,9 Ebro Behean. 

Proiektu horiek guztiak, Beire-Pitillasko araztegiko instalazio pilotua izan ezik, Europar Batasuneko FEDER (Eskualde Garapeneko Europako Funtsa) funtsak kofinantzatu ditu % 50ean. NILSAk 36 milioi euro baino gehiago kudeatu ditu Europako funtsetatik 31 urteko ibilbidean, eta FEDER funtsak izan dira garrantzitsuenak.

Programazioa

Kudeaketa

1) Sistema solar fotovoltaico de autoconsumo en la EDAR de Tudela: Nº Expte: 2004_OB. 2019/010  https://hacienda.navarra.es/registrocontratosweb/ctafichaRegistroDeContratos.aspx?Ent=2004&Cod=19110416523834F02354&RcAs=-1
 
2) Sistema solar fotovoltaico de autoconsumo en la EDAR de Bajo Ebro (Fustiñana) y Tafalla-Olite: Nº Expte: 2004_OB. 2019/012 https://hacienda.navarra.es/registrocontratosweb/ctafichaRegistroDeContratos.aspx?Ent=2004&Cod=200204174741E199F2A0&RcAs=-1
 
3) Instalación de placas fotovoltaicas en estaciones de depuración de aguas residuales: FECHA: 03/11/2021 https://hacienda.navarra.es/sicpportal/ctaDatosAdjudicacion.aspx?Cod=2004&Ticket=210311102542E8E2E457

Ebaluazioa

Komunikazioa

Instalación solar de la depuradora de Tafalla-Olite

Instalación solar de la depuradora de Tafalla-Olite