Aurkezpena - NILSA

NILSA

nilsa da...

Navarra de Infraestructuras Locales, S.A. (NILSA) Nafarroako Gobernuaren enpresa publiko bat da, Nafarroako Enpresa Korporazio Publikoaren barnean dagoena; hondakin-urak araztea, hiri-hondakinak kudeatzea eta horniduran laguntzea dira haren xedeak. Instituzionalki, Landa Garapeneko, Ingurumeneko eta Toki Administrazioko Departamentuaren barnean dago –Isabel Elizalde Arretxea da egungo kontseilaria–.  

NILSA 1989an sortu zen, Nafarroako Ibaien Saneamendurako Planaren tresna kudeatzaile gisa, 1988an onetsi baitzen plan hori. Gaur egun, haren erantzukizuna da plana behar bezala ezartzea, baina, gainera, hartatik eratortzen diren kontu guztietan inplikatzen da, adibidez honako hauetan: plana eguneratzea Uren Kalitateari, Saneamenduari eta Araztegiei buruzko Plan Nazionalaren esparruan, lortzen diren lohien tratamendua edo aholkularitza hala eskatzen duten erakunde eta organismo guztientzat. 

2007tik, NILSA Nafarroako Hondakinen Partzuergoaren parte da, haren kudeatzaile gisa. Entitate horrek Nafarroako mankomunitate guztiak biltzen ditu, Iruñerrikoa izan ezik, baita Baztango Udala ere. Honako helburu hau du: lortzea Nafarroako hondakinak modu optimoan kudeatuak eta tratatuak izan daitezela indarrean dauden araudi guztiekin bat, interes berezia jarrita Europar Batasunean sortzen diren haietan. 

Politika integratua

NILSA sozietatearen helburua berme osoko zerbitzua ematea da, kalitate-maila altuarekin eta Nafarroako Foru Komunitateko ingurumena eta ur-baliabideak babesteko helburu orokorren esparruan. Horretarako, enpresa efizientea, berritzailea, fidagarria eta errespetutsua izan behar du. Horrela, berme osoko zerbitzua emango du, balio erantsi handikoa, kalitate handikoa eta osagai teknologiko eta berritzaile nabarmenekoa.

Era berean, arlo horretan dituen betebeharren eta gizarte-sentsibilitatearen jakitun, NILSAk konpromiso handia du ingurumenaren babesarekiko eta bere langileen segurtasunarekiko eta osasunarekiko.
 
Hori lortzeko, zuzendaritzak UNE EN ISO 9001:2015 eta UNE EN ISO 14001:2015 arauen eskakizunetan oinarritutako Kudeaketa Sistema aukeratu du, eta antolaketaren bikaintasun-maila ahalik eta handiena lortzea du xede.
 
Eredu honen egiturak ezinbestekotzat jotzen du langile guztiak inplikatzea eta honako jarduera-lerro hauen garapenean laguntzea:

 
1. Bezeroen gogobetetasuna eta aplikatu beharreko kontratuetako eta legezko eta erregelamenduzko arauetako baldintzak betetzen direla bermatzea.
 
2. Zerbitzu espezializatuen prestazioan etengabeko hobekuntzaren bila lan egitea, aldian-aldian berrikusten diren helburuak ezarriz, erakundearen eta testuinguruaren ezagutza zorrotzean, alderdi interesatuen iritzian eta euren jarduerari lotutako arriskuetan oinarritutako helburuak.
 
3. Kutsadura, baliabide naturalen gehiegizko kontsumoa , ingurumen-arriskuak, laneko arriskuak eta langileen osasunaren narriadura prebenitzea, lan-baldintza seguruak eta osasungarriak eskainiz.
 
4. Enplegatuei euren jarduerak eraginkortasunez garatzeko behar duten prestakuntza- eta motibazio-maila bermatzea eta erabakiak hartzen parte hartzen laguntzea, bereziki euren segurtasunari eragiten diotenean, baina baita erakundearen garapen estrategikoari eragiten diotenean ere. 
 
5. Baliabideen erabilgarritasuna eta eskatzen den kalitate-maila mantendu eta hobetzen dela ziurtatzeko ezinbesteko prozesuen plangintza zuzena bermatzea.
 
6. Gure zereginak eta funtzioak modu egituratu eta koordinatuan garatzea, behar diren komunikazio-sistema guztiak eta prozesuen sistematika guztia ezarriz.
 
7. Erakundearen esparru guztietan etengabe hobetzea, barneko eraginkortasunik ezak detektatuz, bezeroen iradokizunak eta erreklamazioak aztertuz eta, batik bat, aldatzeko eta hobetzeko proposamenak eginez. Horretarako, helburuak eta xedeak ezarri eta aldian-aldian berrikusiko dira.
 
8. Sektorean izaten diren teknologia-, lege-, gizarte- eta ekonomia-arloko aldaketa guztiak modu laster eta arinean aurreikusi eta bere gain hartzea.
 
9. Gure bezeroei erantzuteko ahalmen efizientea duen zerbitzua proposatzea.
 
10. Gure erakundea bere langile guztien gaitasunagatik, profesionaltasunagatik eta kohesioagatik bereiztea.
 
Zuzendaritzak, bestalde, hitzeman du sistema garatzeko behar diren baliabide eta bitarteko egokiak ezartzeko, langile guztien artean banatzeko eta betearazteko.

Antolamendu-egitura eta eginkizunak

Gerentzia Zuzendaritza (Iñaki Urrizalki Oroz): sozietatea zuzentzen du eta haren ordezkari aritzen da erakundeetan; halaber, Administrazio Kontseiluak onetsitako akordioak gauzatzen ditu.    

Komunikazio eta Erakunde Harremanetako Departamentua (Rebeca Echeverría Viguri): barne eta kanpoko komunikazioari buruzko alderdiak zuzentzen eta koordinatzen ditu, baita sozietatearen erakunde-harremanak ere.    

Administrazio eta Finantza Departamentua (Mikel Satrústegui Marturet): sozietatearen alderdi administratiboak eta ekonomiko-finantzarioak zuzentzen eta koordinatzen ditu.

Eragiketa eta Mantentze-laneko Departamentuak (Roberto Ferrández Lasaosa): Nafarroako Ibaien Saneamendurako Plan Zuzentzaileko hondakin-urak arazteko instalazioen funtzionamendua zuzentzen eta koordinatzen du.    

Hondakinen Departamentua (Víctor Mur Bielsa): hondakinen arloko planifikazioa eta gainerako alderdiak zuzentzen eta koordinatzen ditu.    

Proiektu eta Obren Departamentua (Gregorio Berrozpe Ullate): proiektuak idazten ditu, eta arazte-instalazio berriak ezartzeko beharrezkoak diren obrak zuzentzen ditu.

Planifikazio eta Kudeaketa-sistemen Departamentua (Andrés Sola Ollo): planifikazio estrategikoa eta kalitateko kudeaketa-sistemak (EFQM) zuzentzen eta koordinatzen ditu, baita lan-arriskuen prebentzioa ere. 

Giza taldea

Alberto Ezquieta Yaben
Alicia Pascual León
Amparo Argiñena Lizaso
Andrés Sola Ollo
Arantxa Martínez González
Cristina Solchaga Muñoz
Edurne Alegre Santander
Esther de la Hoz Ruiz
Etor Larraia Olóriz
Eva García López
Fernando Ciriza Muro
Gonzalo Monguilot García
Gregorio Berrozpe Ullate
Iñaki Garralda Bidaurre
Iñaki Urrizalki Oroz
Irene Astiz Ganuza
Izaskun Abendaño Zoco
Jairo Gómez Muñoz
Javier Ordóñez Tres
José Chérrez Bermejo
Julio Carrilero Andreu
Leyre Lizoáin Loizu
Maite Hernández Esparza
Maite Iriarte García
María José Castuera
Mikel Landa Sukunza
Mikel Satrústegui Marturet
Natalia Etxeberria Ruiz
Noemí Aldunate Arbeloa
Patxi Mansilla Latasa
Rebeca Echeverría Viguri
Roberto Ferrández Lasaosa
Santi Ruiz Bandrés
Sara Ramos Arriazu
Txaro Jubera Azpíroz
Txomin Elgorriaga Astondoa
Uxue Herrero Ochoa
Vanesa Gil Moracho
Vicente Ibarra Ibarra
Víctor Mur Bielsa